Napad adbyŭsia ŭ v. Jakavičy Maładziečanskaha rajona, paviedamlaje abłasnaja milicyja.
Apoŭnačy ŭ milicyju patelefanavała žančyna, jakaja zajaviła, što jaje 57-hadovaha muža sprabavali zabić. Vyśvietliłasia, što muž i žonka spali ŭ roznych pakojach, pakinuŭšy niezamknutymi ŭvachodnyja dźviery: čakali viartańnia syna.
Hość zajšoŭ u chatu, prajšoŭ u pakoj, dzie spaŭ haspadar, i pačaŭ nanosić udary kasoj. Mužčyna pračnuŭsia i paklikaŭ na dapamohu. Žonka ŭdaryła ahresara zedlikam i patelefanavała ŭ milicyju.
Paciarpiełaha z kołata-rezanymi ranami hrudnoj kletki, žyvata, šyi i ruk dastavili ŭ balnicu. Padazravanaha ŭ naniasieńni ciažkich cialesnych paškodžańniaŭ zatrymali. 56-hadovy žychar vioski byŭ pjany i nie zdoleŭ rastłumačyć matyvy svaich pavodzinaŭ. Jon źmieščany pad vartu.