U Arhiencinie piacihadovy chłopčyk zhubiŭsia i pieraadoleŭ za sutki adlehłaść u 21 kiłamietr. Pra heta paviedamlaje Clarin.
Padčas prahułki z baćkami ŭ adnym z rajonaŭ pravincyi San-Chuan piacihadovy Bienchamin Sančes zhubiŭsia, a baćki nie zmahli jaho adšukać.
Bolš za tysiaču čałaviek uziali ŭdzieł u pošukach chłopčyka. Praz sutki jaho znajšli. Chłopčyk byŭ u prytomnaści, ale abiazvodžany.
«Jon siadzieŭ pad drevam. Jon paprasiŭ vady. My zaŭvažyli, što jon byŭ napałochany, ale nie płakaŭ. Nam pryjšłosia pierakanać jaho sieści ŭ viertalot, bo jon bajaŭsia lacieć. Ale jon pahadziŭsia, kab sustrecca z mamaj», — zajaviŭ pradstaŭnik słužby biaśpieki pravincyi Hustava Faryna.
Pa dadzienych partała, u rajonie, dzie chłopčyk zabłukaŭ, žyvuć roznyja niebiaśpiečnyja žyvioły. Bolš za toje, tam nazirajucca rezkija pierapady tempieratury pavietra.
Sam chłopčyk raspavioŭ, što jon piŭ brudnuju vadu z ručaja i sprabavaŭ jeści raśliny, jakija jamu nie spadabalisia.
