Fota z sajta uefa.com
U čaćvier startavaŭ adboračny turnir da Jeŭra-2020 pa futbole. Sistema prostaja: 10 hrupaŭ, na kantynientalnaje pieršynstvo vychodziać pa dźvie kamandy z hrupy. Aproč nas i Niderłandaŭ, u hrupie Niamieččyna, Paŭnočnaja Irłandyja i Estonija.
U pieršym matčy Biełaruś prajhrała ŭ Raterdamie Niderłandam ź likam 0:4.
Faktyčna dla nas usio skončyłasia navat nie ŭ pieršym tajmie, a na 51-j siekundzie matča paśla pamyłki Ihara Šytava.
Vyznačyŭsia Memfis Depaj. Na 21-j chvilinie atrymali ad Viejnałduma.
A na 61-j ź pienalci zabiŭ toj ža Depaj.
Na 86-j chvilinie finalnuju kropku pastaviŭ Van Dejk
Chto paradavaŭ, to heta biełaruskija zaŭziatary na trybunach.
24 sakavika ŭ Biełfaście matč suprać Paŭnočnaj Irłandyi, što siońnia na svaim poli pierajhrali Estoniju (2:0). Hulnia ź irłandcami taksama pačniecca katastrafična pozna: ŭ 22.45
U červieni dva matčy ŭ Barysavie: suprać Estonii i Niamieččyny.
Kali što, u biełarusaŭ jość płan B: prabicca ŭ nastupnym sakaviku na Jeŭra praź Lihu Nacyj. Nahadajem, tam pieršy matč suprać Hruzii.
