Novaja zorka polskaha futbołu — fienamienalny Kšyštaf Piontek, jon hulaje za «Miłan» i zabiŭ u hetym siezonie ŭ Sieryi A 19 miačoŭ, stolki ž u Kryšcijanu Ranałdu, pzpn.pl
Učora startavaŭ adboračny turnir da Jeŭra-2020 nie tolki ŭ biełaruskaj hrupie.
Ci nie samy niečakany vynik zafiksavany, vidać, užo ŭ horadzie Nursułtan (ale na arenie «Astana»). Zbornaja Kazachstana razhramiła Šatłandyju ź likam 3:0.
Što da susiedziaŭ: Rasija prajhrała ŭ haściach bronzavamu pryzioru Bielhii — 1:3 (dubl u Edena Azara).
Polšča ŭ haściach pieramahła Aŭstryju 1:0. «Viena zdabytaja!» — pravodziać histaryčnyja paraleli ŚMI susiedziaŭ.
Hoł na rachunku adnaho z najlepšych bambardziraŭ italjanskaj Sieryi A Kšyštafa Pionteka.
Łatvija prajhrała Paŭnočnaj Makiedonii 1:3.
Jašče paru cikavych par: Charvatyja minimalna pieramahła Azierbajdžan 2:1, a ŭ centralnajeŭrapiejskim derbi Słavakija pieramahła Vienhryju 2:0.
Biez šancaŭ: Biełaruś razhromna prajhrała Niderłandam ź likam 0:4
Nahadajem, što zbornaja Paŭnočnaj Irłandyi abyhrała Estoniju 2:0. Ź irłandcami biełarusam hulać 24 sakavika ŭ Biełfaście.
Siońnia budzie zhulana siem matčaŭ, u tym liku Partuhalija — Ukraina.