Na minuły Dzień Voli było taksama adnosna ciopła, ale lažaŭ śnieh, fota Siarhieja Hudzilina
U subotu, 23 sakavika, nadvorje budzie vyznačać vobłaść pavyšanaha atmaśfiernaha cisku, i pryroda padoryć biełarusam soniečnaje nadvorje. Pastupova ścichnie viecier. U mnohich rehijonach abydziecca biez apadkaŭ. Tempieratura pavietra minimalnaja nočču ad -3 da + 2°S, maksimalnaja dniom ad +6 da +12°S, pa paŭdniovym zachadzie da + 15°S, piša Tut.by.
Ale palapšeńnie ŭ nadvorji budzie niepraciahłym. Užo ŭ niadzielu nočču i ranicaj kraina apyniecca pad upłyvam atmaśfiernaha frontu, jaki źmiaščajecca z Bałtyjskaha mora.
Unačy na bolšaj častcy krainy, a dniom u niadzielu, 24 sakavika, u krajnich paŭdniova-ŭschodnich rajonach projduć karotkačasovyja daždžy. Viecier paŭnočna-zachodni, zachodni paryvisty. Tempieratura pavietra ŭnačy +1 …. +7°S, dniom +6 … + 11°S.
25 sakavika, u paniadziełak, dniom praz terytoryju Biełarusi budzie pieramiaščacca chałodny atmaśfierny front. U načnyja hadziny pieravažna biez apadkaŭ, dniom - miescami pa ŭsioj krainie, a pa Hrodzienskaj i Bresckaj abłaściach na bolšaj častcy terytoryi čakajucca karotkačasovyja apadki (doždž, mokry śnieh). Viecier zachodni ŭmierany. Tempieratura pavietra ŭnačy ad -3 da + 2°S, dniom ad +3 da +9 =°S.
Čakajecca, što z aŭtorka, uśled za chałodnym frontam, pachaładaje.
