Fota z Vikipiedyi.
U elektryčcy ŭ Maskoŭskaj vobłaści zatrymali mužčynu, jaki znachodzicca ŭ miždziaržaŭnym vyšuku. Jak paviedamili TASS u pres-słužbie ŭpraŭleńnia na transparcie MUS pa Centralnaj fiederalnaj akruzie, zatrymany mužčyna byŭ raniej 30 razoŭ asudžany na terytoryi Biełarusi.
«Mužčyna raśpivaŭ śpirtnyja napoi ŭ vahonie elektryčki, čym pryciahnuŭ uvahu palicyjantaŭ. Na pytańnie ab najaŭnaści ŭ jaho zabaronienych pradmietaŭ, paviedamiŭ, što maje zbroju. U kajdankach mužčynu dastavili ŭ dziažurnuju častku liniejnaha adździeła na stancyi Lubiercy, dzie ŭ chodzie dahladu ŭ jaho znajšli dva pradmiety, padobnyja da pistaletaŭ, a taksama dva mahaziny, adzin ź jakich z šaściu patronami», — skazaŭ surazmoŭca ahienctva.
30-hadovy biełarus rastłumačyŭ palicyjantam, što ŭ Rasii chavajecca ad kryminalnaha pieraśledu ŭ siabie na radzimie. U Padmaskoŭi jon chacieŭ znajści pracu i žyllo. «U dačynieńni da hetaha hramadzianina raspačata kryminalnaja sprava pa častcy 1 artykuła 222 KK RF («Niezakonnaje nabyćcio, pieradača, zbyt, zachoŭvańnie, pieravozka abo našeńnie zbroi, jaje asnoŭnych častak, bojeprypasaŭ»)», — paviedamili ŭ pres-słužbie.
