Pastanova Ministerstva lasnoj haspadarki Biełarusi «Ab zbory dzikarosłych jahad» ŭstupiła ŭ siłu 29 sakavika. Dakumientam zaćvierdžanaja Instrukcyja ab sposabach i prystasavańniach dla zboru i narychtoŭki dzikarosłych jahad u lasnym fondzie, paviedamili ŭ pres-słužbie Minlashasa.
Zhodna Instrukcyi, źbirać jahady dazvalajecca ŭručnuju albo pry dapamozie ručnych prystasavańniaŭ na dazvolenych lasnych terytoryjach
Vyznačany patrabavańni da prystasavańniaŭ dla zboru, narychtoŭki dzikarosłych jahad u lasnym fondzie, jakija nie prynosiać škody jahadnikam i nie pryvodziać da ich źniščeńnia.
«Pryłada dla zboru dzikarosłych jahad składajecca z zubja, jomistaści nazapašvalnika, trymalnika (ručki) i adpaviadaje nastupnym patrabavańniam: adlehłaść pamiž zubami składaje nie mienš za 0,5 sm; korpus prystasavańnia i zubje vyrablajucca z płastmasy, mietału, draŭniny, humy abo ich kambinacyi; u pryładach adsutničajuć režučyja krai ŭ zonie zryvańnia jahad», — havorycca ŭ punkcie 7 Instrukcyi.
Patrabavańni da materyjałaŭ pryłady byli vyznačanyja zychodziačy z vopytu inšych krain, a taksama mahčymaściaŭ vytvorcaŭ.
U Instrukcyi taksama prapisana, što pry zbory čarnic i durnic prystasavańnie varta nakiroŭvać pad vuhłom da vierchniaj častki kusta, prytrymlivać ściablinki volnaj rukoj, paźbiahać, kab u pryładu traplali toŭstyja nižnija častki ściablinak. Pry zbory žuravin prystasavańnie nieabchodna nakiroŭvać pa pavierchni mochu i ściablinak žuravin.
Akramia taho, rekamiendujecca vieści zbor tolki śpiełych jahad u pieryjad ich masavaha paśpiavańnia ŭ suchoje nadvorje, paśla schodu rosy, bo heta źnižaje vierahodnaść abryvu liścia.
Pastanova nakiravana na pavieličeńnie abjomaŭ narychtoŭki dzikarosłych jahad u našaj krainie, efiektyŭnaje vykarystańnie lasnoj pradukcyi.
«Źviartajem uvahu hramadzian na toje, što zbor jahad pa novych praviłach možna budzie ažyćciaŭlać užo z hetaha siezonu. Terminy zboru dzikarosłych jahad tradycyjna vyznačajucca abłasnymi vykanaŭčymi kamitetami z ulikam miascovych umoŭ», — papiaredzili ŭ Minlashasie.