Apieratyŭniki padatkovaj inśpiekcyi pa Minsku ŭ lutym — sakaviku pravieryli internet-kramy i vyjavili, što tysiačy smartfonaŭ na sumu kala 2 miljonaŭ rubloŭ (abo 1 miljona dalaraŭ) realizavanyja z parušeńniem zakanadaŭstva, paviedamlaje BIEŁTA.
«Chtości pakazvaŭ usiu vyručku ad realizacyi, inšyja prychoŭvali, ale abjadnoŭvaje ich toje, što ni adzin nie zmoh u adkaz na patrabavańnie padać dakumienty, jakija paćviardžajuć lehalnaść nabyćcia i ŭvozu tavaru ŭ krainu», — paviedamili ŭ padatkovaj.
Heta aznačaje, što smartfon pracuje da pieršaj pałomki, na jaho niama harantyi. Ašukanyja pakupniki źviartalisia ŭ roznyja dziaržorhany.
«Padčas apytańniaŭ kiraŭnikoŭ pradpryjemstvaŭ vyznačany patencyjnyja krynicy nabyćcia tavaraŭ. Heta i kantrabanda tannych «replik» viadomych brendaŭ, i ŭciahvańnie ŭ abarot byłych u karystańni, samatužna adnoŭlenych vyrabaŭ», — rastłumačyli śpiecyjalisty.
Parušalnikaŭ čakaje štraf u pamiery da 50% ad koštu realizavanych z parušeńniami tavaraŭ, a niekatorych, jakija ŭchililisia ad vypłaty padatkaŭ u asabliva bujnym pamiery, pravavaja acenka kampietentnych orhanaŭ.
