Hienadź Fiadynič.
Pra heta paviedamlaje sajt niezaležnaha prafsajuza REP praca-by.info sa spasyłkaj na samoha Hienadzia Fiadyniča. Jaho vyzvalili 30 sakavika ŭviečary, damoŭ jon dabraŭsia na mietro.
Nahadajem, 30 sakavika da Fiadyniča ŭ kvateru pryjšli supracoŭniki milicyi i zatrymali pa padazreńni ŭ znachodžańni ŭ niećviarozym stanie.
«Ja ćviarozy i nie parušaŭ umoŭ chatniaj chimii», — paśpieŭ paviedamić lidar niezaležnaha prafsajuza.
Pavodle ŭmoŭ «chatniaj chimii», Hienadź Fiadynič nie moža znachodzicca nie doma paźniej za 19:00 u budnija dni i nie maje prava pakidać kvateru ŭ vychodnyja. Taksama zabaroniena ŭžyvać ałkahol na ŭvieś termin pakarańnia — 4 hady. Supracoŭniki milicyi padčas usiaho terminu kantralujuć vykanańnie hetych umoŭ, mohuć pryjści da jaho ŭ luby čas dnia i nočy.
