Sumiesny kancert biełaruskaha huślara Alesia Čumakova («Stary Olsa», «Ceilidh Ceol») i elektronnaha etna-fołk hurta PAWA adbudziecca na placoŭcy mienskaha kłuba «Bruhie» 30 maja. Śpiecyjalny hość mierapryjemstva — hurt «Apošni Šylinh».
Kancert budzie składacca ź dźviuch častak.
U pieršaj Aleś Čumakoŭ prezientuje albom «Praŭda ŭ vinie».
Taksama prahučać suśvietnyja i ajčynnyja chity na huślach i irłandskija karčomnyja pieśni ŭ biełaruskaj impravizacyi. Zajhraje taksama śpiecyjalny hość, hurt «Apošni Šylinh». Jaho prahrama ŭklučaje jak «standarty» irłandskaj i šatłandskaj muzyčnych tradycyj, tak i šerah aŭtarskich kampazicyj.
Aleś Čumakoŭ — majstar-huślar, viadomy šyrokaj publicy jak muzyka hurta «Stary Olsa» i lidar prajekta Ceilidh Ceol. Paznavalny vakalist i instrumientalist, jon paśpiachova adkryŭ siabie ŭ solnaj tvorčaści i praz udałuju apracoŭku siaredniaviečnych biełaruskich narodnych baładaŭ i vajarskich piesień praciahnuŭ adradžeńnie i sučasnaje ŭdaskanalvańnie staražytnaj tradycyi huślarstva.
Čumakoŭ moža nadać novaje staražytnaje hučańnie i tvoram XX stahodździa. Takim, jak kłasika «Pieśniaroŭ» i NRM.
U druhoj častcy kancerta vystupić elektronny etna-fołk hurt PAWA.
Jon vykonvaje tradycyjnuju biełaruskuju i jeŭrapiejskuju muzyku, ale robić heta niazvykłym čynam. U muzyčnym arsienale kalektyva siaredniaviečnyja instrumienty — duda, žalejka, dudki i skrypka — susiedničajuć z dram-mašynami, sintezatarami i elektrahitaraj.
Jašče vystup PAWA — vydatnaja mahčymaść navučycca biełaruskim tancam i pieśniam i padsiłkavacca šalonaj enerhietykaj i pazityvam na padmurku viekavych tradycyj!
PAWA nieadnarazova vyłučalisia niezvyčajnymi, drajvovymi prajektami. Naprykład, u minułym hodzie razam z opiernymi śpievakami Illoj Silčukovym i Volhaj Vaškievič PAWA zapisali biełaruski kavier na pieśniu «Ja svobodien» — adnu z samych viadomych kampazicyj Valeryja Kipiełava.
Taksama hurt PAWA adznačyŭsia zapaminalnym vystupam na placoŭcy «Minsk-Arena» ŭ padtrymku chakiejnaha kłuba «Dynama-Minsk».
Sumiesny kancert Alesia Čumakova i hurta PAWA projdzie 30 maja ŭ kłubie «Bruhie» (pr. Partyzanski, 6A). Pačatak a 19-j.
Košt kvitkoŭ ad 15 da 25 rubloŭ.
Pieršym 100, chto nabudzie kvitok papiarednie — dysk Testamentum Terrae «Angleza» na ŭvachodzie ŭ padarunak!
Pryvatnaje pradpryjemstva «Kancert Anłajn». UNP 192400162
