Žychar Vilejskaha rajona z tavaryšam tušyli travu, ale ŭ vyniku zhareŭ aŭtamabil, paviedamlaje miascovaja hazieta «Šlach pieramohi».
4 krasavika pastupiła paviedamleńnie ab zaharańni travy na bierazie raki Vilija pamiž vioskami Asipovičy i Miadźviedzina. Kali ratavalniki prybyli da miesca vykliku, to pabačyli, što akramia travy haryć jašče i aŭtamabil «Opel Sintra». Pry dapamozie pieny ahoń byŭ likvidavany. Adnak aŭtamabil całkam źniščany.
Paźniej vyśvietliłasia, što haspadar aŭtamabila jechaŭ pa darozie i zaŭvažyŭ dym u rajonie raki. Ściamiŭšy, što haryć trava, pačaŭ samastojna tušyć ahoń. A pakolki pražyvaŭ niedaloka, viarnuŭsia da doma pa viadro i rydloŭku. Zaadno prychapiŭ svajho siabra.
Aŭtamabil mužčyna pakinuŭ u lesie na značnaj adlehłaści ad pažaru. Ale praź niekatory čas zaŭvažyŭ, što ahoń dabraŭsia i da transpartu.
