Adzin z eks-ułaśnikaŭ najbujniejšaha ŭkrainskaha Pryvatbanka, aliharch Ihar Kałamojski zajaviŭ u intervju Ekanamičnaj praŭdzie, što choča viarnuć kapitał u $2 miljardy.
«Mnie niezrazumiełaja pazicyja dziaržavy. Jany chočuć pakinuć sabie Pryvatbank? Niachaj pakidajuć. Mnie nie patrebny Pryvatbank. Ale tam lažała $2 miljardy kapitału. Niachaj viernuć, i niama pytańniaŭ. Pryvat — heta ciažar dla dziaržavy. Jana nie viedaje, što z bankam rabić. Dziaržava pra***ła ŭvieś kredytny partfiel, jaki byŭ u banku i zaraz raspaviadaje, što pa vinie Kałamojskaha i [Hienadzia] Bahalubava pa kredytach ničoha nie płacicca», — adznačyŭ jon.
Nahadajem, aliharcha Ihara Kałamojskaha niekatoryja źviazvajuć z Uładzimiram Zialenskim — lidaram prezidenckaj honki va Ukrainie.
Da 2016 hoda jon vałodaŭ Pryvatbankam — najbujniejšym va Ukrainie. Zatym dziaržava nacyjanalizavała hety bank. Heta było zroblena na padstavie taho, što Pryvatbank nibyta byŭ abjektam maštabnych i skaardynavanych ašukanskich dziejańniaŭ jak minimum na praciahu 10 hadoŭ da nacyjanalizacyi, što naniesła ŭron banku na $5,5 miljarda.
