radabnr.org
Ivonka Surviła (Šymaniec) naradziłasia ŭ 1936 hodzie ŭ Stoŭbcach. Z 1944 hoda — u emihracyi. Jaje baćka, Uładzimier Šymaniec, byŭ ministram finansaŭ va ŭradzie BNR časoŭ Mikoły Abramčyka. Žyła ŭ Francyi‚ Danii‚ Ispanii. Ciapier žyvie ŭ Kanadzie. Maje dźviuch dačok.
Skončyła vyšejšuju Mastackuju škołu ŭ Paryžy‚ paźniej — linhvistyčnaje adździaleńnie Sarbonskaha ŭniviersiteta (1959).
U 1958-1965 hadoch pracavała ŭ biełaruskaj redakcyi ispanskaha Nacyjanalnaha radyjo. Z 1969 hoda pracavała ŭ biuro pierakładaŭ pry Fiederalnym uradzie Kanady.
U 1989 hodzie arhanizavała kanadski Fond dapamohi achviaram Čarnobyla ŭ Biełarusi i zastavałasia jaho kiraŭnicaj da 1997 hoda. Dziakujučy fondu, u Biełaruś byli pieradadzienyja leki dy miedycynskaje abstalavańnie na dziasiatki miljonaŭ dalaraŭ, na azdaraŭleńni ŭ Kanadzie pabyvali tysiačy biełaruskich dziaciej.
U žniŭni 1997 hoda była abranaja staršynioj Rady BNR.
Aŭtarka ŭspaminaŭ «Daroha»
