Novym meram Talina abrali siabra Centrysckaj partyi Michaiła Kyłvarta, paviedamlaje Postimees.
Vosieńniu 2017 hoda Kyłvart byŭ abrany staršynioj haradskoj rady Talina, u 2011-2017 hadach byŭ namieśnikam mera, kuryravaŭ śfiery adukacyi, kultury, sportu, pracy z moładździu.
Kyłvart naradziŭsia ŭ kazachskim horadzie Kyzył-Arda, źjaŭlajecca karejcam pa nacyjanalnaści. U 2010 hodzie jon uvajšoŭ u estonskuju Radu ruskich škoł.
Kyłvart adznačyŭ: — Estonskaja mova — stanavy chrybiet identyčnaści estonskaha čałavieka i padmurak estonskaj kultury. Kožny, chto žyvie ŭ Estonskaj dziaržavie, pavinien uśviedamlać značeńnie estonskaj movy i ŭsprymać heta ŭ kantekście kultury. U toj ža čas my pavinny ŭśviedamlać, što i dla ruskich i dla ludziej inšych nacyjanalnaściaŭ, jakija žyvuć pobač z nami, važnyja i ich ułasnyja mova i kultura. Kultury ŭzbahačajuć adna adnu, kali pamiž imi niama supraćpastaŭleńnia, kali nośbity kultury adčuvajuć siabie svabodnymi i padtrymlivajuć adzin adnaho.
