11 krasavika abvieščany łaŭreaty World Press Photo - samaj prestyžnaj štohadovaj premii dla fotažurnalistaŭ. U naminacyi «Fatahrafija hoda» pieramahła praca Džona Mura.
Na zdymku, zroblenym u červieni 2018 hoda na miažy ZŠA i Mieksiki, amierykanski pamiežnik abšukvaje Sandru Sančes z Handurasa na vačach u jaje małoj dački.
Hetaja fatahrafija Mura była vykarystanaja jak častka kałaža dla vokładki časopisa Time, pryśviečanaha palitycy prezidenta ZŠA Donalda Trampa ŭ dačynieńni da mihrantaŭ. Džon Mur pracuje ŭ Getty Images, jon taksama łaŭreat Pulitceraŭskaj premii. Jaho pracy nieadnarazova pieramahali na mižnarodnych fotakonkursach.
0
0
0
0
0
0
