Fota ź Vikipiedyi
Ranicaj 11 krasavika Ajaz Hulijeŭ, jaki vystupaje za maskoŭski «Spartak», ustupiŭ u kanflikt z amierykanskim turystam. Paŭabaronca byŭ za rulom «Miersiedesa». Jon praihnaravaŭ sihnał śviatłafora i prajechaŭ pa piešachodnym pierachodzie, začapiŭšy amierykanca. Inšaziemiec nibyta ŭdaryŭ pa aŭtamabili, čym vyklikaŭ ahresiŭnuju reakcyju Hulijeva. Zaviazałasia bojka, u vyniku jakoj turyst atrymaŭ pierałom nosa, paviedamlaje lenta.ru
Kiraŭnictva «Spartaka» ŭžyvie da Hulijeva dyscyplinarnyja sankcyi.
«Naš kłub asudžaje lubyja prajavy hvałtu i ličyć padobnyja pavodziny svajho hulca niedapuščalnym», - śćviardžajecca ŭ zajavie «Spartaka». Adznačajecca, što niahledziačy na toje, što Hulijeŭ i paciarpieły ŭładzili kanflikt, kiraŭnictva kłuba pakaraje hulca.
Lenta.ru nahadvaje, što ciapier u SIZA znachodziacca futbalisty Alaksandr Kakoryn i Pavieł Mamajeŭ. Jany źjaŭlajucca fihurantami kryminalnych spraŭ, zaviedzienych pa artykułach «Chulihanstva» i «Paboi». Za dźvie bojki ŭ centry Maskvy, što adbylisia ŭ kastryčniku minułaha hoda, ich źmiaścili ŭ «Butyrku», dzie jany prabuduć da vieraśnia.
