Rasija pakul što nie mianiała ŭmoŭ kredytavańnia budaŭnictva BiełAES u adkaz na zapyt aficyjnaha Minska ab praciahu terminu kredytu i źnižeńni staŭki. Pra heta paviedamiŭ žurnalistam rasijski pieršy vice-premjer, ministr finansaŭ Anton Siłuanaŭ, piša TASS.
«Jany kazali źnizić staŭku i termin padoŭžyć. Ale ŭ nas nie było niejkich inšych rašeńniaŭ, čym pryniatyja raniej», — skazaŭ Siłuanaŭ.
Jak paviedamlaŭ raniej ministr enierhietyki Biełarusi Viktar Karankievič, Biełaruś i Rasija abmiarkoŭvajuć pytańnie ab padaŭžeńni terminu kredytu Rasii na budaŭnictva BiełAES z 25 da 35 hadoŭ i źnižeńni staŭki.
Alaksandr Łukašenka zajaŭlaŭ, što paśla pieramovaŭ u Sočy 21 vieraśnia z Uładzimiram Pucinym, Minsk prapanuje Maskvie razhledzieć pytańnie ab padaŭžeńni terminu viartańnia kredytu na budaŭnictva BiełAES i źnižeńni pracentnaj staŭki pa im.
