U subotu 13 krasavika Izrail nanios udary pa Siryjskim centry navukovych daśledavańniaŭ i raspracovak u horadzie Maśjaf (Siryja), paviedamlaje Reform.by sa spasyłkaj na izrailski sajt Debka. U vyniku zahinuli i atrymali ranieńni iranskija i siryjskija śpiecyjalisty, a taksama vajskovyja ekśpierty ź Biełarusi i KNDR, daviedałasia vydańnie ad krynic u zachodnich vajennych raźviedkach.
Udary praktyčna całkam źniščyli cechi pramysłovaha kompleksu, dzie pracavali karejskija i biełaruskija śpiecyjalisty. Jany zajmalisia madernizacyjaj rakiet naziemnaha bazavańnia dla Siryi i «Chiezbała», vytvorčaściu ćviordaha paliva dla rakiet i ustanoŭkaj novych sistem dakładnaj navihacyi, pryčym paŭnočnakarejcy śpiecyjalizavalisia na vytvorčaści paliva, piša Debka.
Pa infarmacyi vydańnia, biełaruskija śpiecyjalisty byli naniaty na pracu siryjskaj Arhanizacyjaj technałahičnych vytvorčaściej (Organization for Technological Industries), jakaja vykarystoŭvajecca dla abychodu zabarony na najmańnie vajskovych śpiecyjalistaŭ dla vytvorčaści zbroi ŭ Siryi i prodaž zbroi režymu Asada. Bolšaść biełaruskich vajskovych śpiecyjalistaŭ patrapili ŭ Siryju praź dziaržaŭnuju kampaniju «Biełźniešpramservis».
Izrailskaja kampanija spadarožnikavaj zdymki ISI apublikavała zdymki abjektaŭ u Maśjafie da i paśla ŭdaraŭ 13 krasavika. Pavodle infarmacyi ISI, surjozna paciarpieŭ zavod, jaki, jak miarkujecca, vyrablaje rakiety kłasa «ziamla-ziamla». Jon znachodzicca niedaloka ad inšych vajskovych abjektaŭ, jakija, mahčyma, źviazany ź iranskim rakietnym prajektam u Siryi. Mahčyma, usie jany farmirujuć adzin kompleks pa vytvorčaści rakiet roznaj dalokaści.
