Siabry «Narodnaj hramady» i demakratyčnyja aktyvisty prybrali terytoryju kala Kryža achviaram hvałtu 1939—1953 hadoŭ, a potym zładzili supolnuju malitvu, piša Intex-Press.
Aktyvisty padčas malitvy ŭ znak salidarnaści z abaroncami Kurapataŭ kala Kryža pakut u Baranavičach. Fota: Alaksandr Švied.
Mierapryjemstva adbyłosia 14 krasavika kala Kryža pakut, jaki staić na miescy byłoj turmy NKUS «Kryvoje koła».
Fota: Alaksandr Švied.
— Uvieś čas za nami nazirali supracoŭniki milicyi. Na 8 aktyvistaŭ — 8 milicyjanieraŭ, — raskazaŭ Intex-press Alaksandr Švied, adzin z udzielnikaŭ mierapryjemstva.
Pa jaho słovach, infarmacyju ab praviadzieńni malitvy jon raźmiaściŭ u sacsietkach, i supracoŭniki milicyi, vidać, mienavita adtul daviedalisia pra mierapryjemstva. Nikoha z udzielnikaŭ malitvy milicyjaniery nie zatrymlivali.