Fota Radyjo Svaboda
Stan rasijskaha piśmieńnika Dźmitryja Bykava zastajecca stabilna ciažkim. Pra heta ŭ pres-słužbie ministerstva achovy zdaroŭja Respubliki Baškartastan paviedamili RBK ŭ sieradu.
Pradstaŭniki rehijanalnaha Ministerstva achovy zdaroŭja padkreślili, što ŭ Bykava padazrajuć insult, adnak dyjahnaz nie paćvierdžany. «Ź im pracujuć najlepšyja respublikanskija śpiecyjalisty», - zapeŭnili jany, dadaŭšy, što situacyja znachodzicca na kantroli ŭ v.a kiraŭnika respubliki Radzija Chabirava.
Raniej u sieradu siabar Bykava, hałoŭny redaktar «Echo Moskvy» Alaksiej Vieniadziktaŭ zajaviŭ, što nijakaha insultu ŭ piśmieńnika niama. Paviedamlałasia taksama, što publicystu pastavili papiaredni dyjahnaz «vostraje parušeńnie krovazvarotu hałaŭnoha mozhu».
Dźmitryju Bykavu stała drenna padčas pieralotu ź Jekaciarynburha va Ufu, dzie pavinna była adbycca jaho lekcyja. Pa słovach krynic, piśmieńnik byŭ špitalizavany ŭ adździaleńnie niejrareanimacyi i trapiŭ u komu.
