U miežach fiestyvalu buduć pradstaŭleny i knihi vydaviectva «Halijafy».
19 krasavika, piatnica
20:00-21:30. Aŭdyjokniha šviejcarskaj aŭtarki Bryhity Šer «Pakatun i Palažun. Historyi z žyćcia»: muzyčnaja impreza-prezientacyja
Historyi z knihi pračytaje Aleś Małčanaŭ, čytańnie budzie supravadžacca muzykaj hurta ZUI. Taksama hości (a impreza i knižka raźličanaja na dziaciej 6 — 10 hod) užyvuju pačujuć «Pieśniu Pakatuna i Paležuna». Možna budzie i zazirnuć za kulisy pracy nad aŭdyjoknihaj, a taksama zadać stvaralnikam svaje pytańni. Impreza projdzie pry padtrymcy instytuta imia Hiote u Minsku na Placoŭcy ekśpiertnych sustreč.
20 krasavika, subota
12:00-13:00. Tyja, chto nie paśpieŭ u subotu na sustreču z Pakatunom i Paležunom, zmohuć zavitać na dziciačuju placoŭku biblijateki BNTU.
14:00-15:00. «Fiei»: čytańni i malavańni ad Taćciany Tamiłavaj i Marysi Viarciejka
Ci byvajuć biełaruskija fiei? Što jany robiać? I jak vyhladajuć? Mienavita ź imi, fiejami, jakija pryjšli ź biełaruskich mifaŭ, i znajomić kniha junych čytačoŭ. Kožnaja fieja maje svaje zaniatki, svaje niepaŭtornyja rysy i jakaści, što nadajuć joj kazačnuju vabnaść. A ŭsie razam jany robiać hety śviet pryhožym i dzivosnym. Prezientacyja projdzie pry Stale majstar-kłasaŭ i litaraturnych hulniaŭ. Kniha raźličanaja na dziaciej 3—7 hadoŭ.
15:00-15:30. Eryk Karł «Vielmi hałodny vusień»: hučnyja čytańni ad prajekta ZaČtienije
U Eryka Karła, znakamitaha amierykanskaha dziciačaha mastaka i piśmieńnika, šmat vydatnych knih, ale samaja viadomaja z usich — «Vielmi hałodny vusień». U hetaj dziŭnaj knižcy kala 30 staronak i nie bolš za 200 słoŭ. 200 słoŭ, jakija baćki čytajuć usłych svaim małym zvyš čym na saraka movach užo na praciahu piacidziesiaci hadoŭ. U 2019 hodzie kniha ŭpieršyniu vyšła na biełaruskaj movie. Hetu znakavuju padzieju i adznačym čytańniami! Impreza projdzie ŭ Zonie hučnych čytańniaŭ. Knižka raźličanaja na dziaciej 1,5—3 hadoŭ.
Poŭnaja prahrama fiestyvalu «Horad i knihi» — tut.
Pryvatnaje pradpryjemstva «Halijafy» UNP 190883852
