Fiederalnaja antymanapolnaja słužba (FAS) Rasii paličyła dovady Minska pra nieabchodnaść amal na čverć pavysić taryf na tranzit nafty praz trubapravod «Družba» nieabhruntavanymi, paviedamlaje TASS sa spasyłkaj na načalnika ŭpraŭleńnia słužby pa paliŭna-enierhietyčnym kompleksie Dźmitryja Machonina.
Pavodle jaho słoŭ, da takich vysnovaŭ FAS pryjšła paśla sielektarnaj narady z kalehami ź biełaruskaha Ministerstva antymanapolnaha rehulavańnia i handlu.
«Kalehi pradstavili tyja arhumienty, jakija ŭžo byli apublikavanyja ŭ ŚMI. My paličyli, što hetyja arhumienty nie mohuć abhruntoŭvać rost taryfu. Adpaviedna, pytańnie sychodzić zaraz u śfieru płanavaha rehulavańnia taryfaŭ», — skazaŭ Machonin, nahadaŭšy, što čarhovy pierahlad taryfu pavinien prajści da 1 lutaha 2020 hoda.
Kali i pa im nie budzie znojdziena ŭzajemnaha rašeńnia, to taryf indeksujecca na 3% ad uzroŭniu inflacyi ŭ Rasii, dadaŭ Machonin.
U pačatku krasavika Minsk apaviaściŭ rasijskuju kampaniju «Transnafta» ab płanach pavysić taryf na prapampoŭku nafty pa trubapravodzie «Družba» na 23%.
