Minharvykankam zadavoliŭ zajaŭku apazicyi na praviadzieńnie 26 krasavika tradycyjnaha «Čarnobylskaha šlachu». Udzielniki musili pačynać źbiracca a 17:30 na placoŭcy la kinateatra «Kastryčnik», a potym prajści šeściem da parku Družby narodaŭ.
Adnak, jak paviedamiŭ «NN» adzin z zajaŭnikaŭ, siabra Partyi BNF Źmicier Kaśpiarovič, u apazicyi niama hrošaj, kab apłacić pracu milicyi, jakaja budzie sačyć za biaśpiekaj padčas «Šlachu».
«My padličyli, što heta kala 3-4 tysiač dalaraŭ. Takich hrošaj u nas ciapier niama. Kali na akcyju pryjdzie 250 čałaviek, to heta budzie pa 15 dalaraŭ na čałavieka», — kaža Kaśpiarovič.
Całkam mahčyma, što vuličnaje šeście na 26 krasavika moža być admienienaje całkam. A «Čarnobylski šlach» projdzie ŭ zusim inšym farmacie.