Paśla vybaraŭ prezidenta šoŭmien Uładzimir Zialenski pakinie prajekty studyi «Kvartał 95», u jakich šmat hadoŭ byŭ režysioram-pastanoŭščykam, viadučym i akcioram.
Adznačajecca, što zamieniać Zialenskaha «ŭžo viadomyja hledačam zorki «Kvartała».
Tak, novym viadučym «Lihi śmiechu» stanie Jaŭhien Kašavy, jaki taksama źjaŭlajecca adnym z trenieraŭ hetaha prajekta, stvoranaha studyjaj «Kvartał 95» i Drive Production.
«Ale pakolki adnačasova treniravać i vieści prahramu Jaŭhien nie zmoža, miesca treniera ŭ jaho kamandzie zojmie inšy sudździa. Chto mienavita, vyrašać sami chłopcy», — kaža studyja.
U «Viačernim kvartale» źjaviacca ŭdzielniki kamandy «Dniapro», akciory i viadučyja — Ihar Łastačkin i Juryj Tkač.
Adznačajecca, što zapisy novych vypuskaŭ «Viačerniaha kvartała» i «Žanočaha Kvartała» musiać adbycca ŭ pačatku maja ŭ Turcyi.
Dalej pastanoŭkaj numaroŭ buduć zajmacca Alaksandr Pikałaŭ i Jaŭhien Kašavy.
Što tyčycca prajekta «Naśmiašy komika», u dziciačaj viersii Zialenskaha zamianiŭ Juryj Tkač, zdymki ź jaho udziełam užo adbylisia, a prahrama była ŭ efiry «1+1».
«A voś chto zojmie miesca Uładzimira ŭ darosłaj viersii, stanie viadoma bližej da zdymkaŭ novaha 16-ha siezona prajekta, jaki zapłanavany na vosień», — havorycca ŭ paviedamleńni.