Deputat i historyk Ihar Marzaluk stanie viadučym novaha šou na STB. Kanał vyrašyŭ vykarystoŭvać charyzmu Marzaluka, čyja emacyjnaja reakcyja na vystup Alaksandra Łukašenki stała chitom u internecie. Pra heta paviedamlaje telekanał.
— Jaho reakcyja stała sapraŭdnym internet-miemam. U tym, što heta nie pastanovačnyja kadry, chutka zmohuć pierakanacca hledačy našaha kanała, — raspaviała žurnalist STB Volha Koršun. — My vyrašyli vykarystać charyzmu i nieabyjakavaść deputata i zaprasili jaho ŭ jakaści viadučaha našaha novaha prajekta. Premjera ŭžo zusim chutka. U centry ŭvahi — samyja vostryja palityčnyja i ekanamičnyja temy, tak što biez emocyj dakładna nie abydziemsia.
U kamientary BiełaPAN Marzaluk paviedamiŭ, što heta budzie tok-šou, u asnovie jakoha lažyć kancepcyja «biełaruskaha śvietu».
«My budziem pakazvać biełaruski śviet, pramaŭlać sensy našaj vialikaj biełaruskaj tradycyi ad minułaha da sučasnaści. Pakazvać Biełaruś takoj, jakoj jana jość, šmathrannaj, talenavitaj i raznastajnaj. Biełaruskaje serca i IT-technałohii, biełaruskaje serca i kropki rostu, biełaruskaje serca i naša madel ekanomiki, zasnavanaja na spraviadlivaści. Biełaruskaja identyčnaść i jaje miesca ŭ jeŭrapiejskaj identyčnaści», — raspavioŭ palityk.
Zdymki adbyvalisia ŭ Mirskim zamku.
Pieršy vypusk prahramy mierkavana vyjdzie ŭ čaćvier, 25 krasavika, u 20:30.
