Abnoŭlenaja infarmacyja. Źnikłyja ŭ Minsku dziaŭčaty znojdzienyja: pajechali da babuli ŭ Baraŭlany
Pravaachoŭniki šukajuć bieź viestak źnikłuju Dužynskuju Milenu, 2007 h.n., i Korzun Irynu, 2006 h.n., jakija 26 krasavika kala 16 hadzin pajšli z domu 54 pa Partyzanskim praśpiekcie ŭ Minsku i da hetaha času pra ich miescaznachodžańnie nie viadoma.
Pres-słužba HUUS Minharvykankama paviedamlaje prykmiety:
Dužynskaja Milena — na vyhlad kala 11 hadoŭ, rost 145 sm, siaredniaha ciełaskładu, vałasy ciomna-rusyja da pojasa. Była apranutaja ŭ ciomna-fijaletavuju kašulu ŭ kletku, štany ciomna-siniaha koleru, krasoŭki ciomna-siniaha koleru (na abcasie «Śnikiersy»).
Korzun Iryna — na vyhlad kala 13—14 hadoŭ, rost 145 sm, siaredniaha ciełaskładu, vałasy ciomna-rusyja ledź nižej plača. Była apranuta ŭ čornuju bajku, čornyja lehiensy, sinija kiedy (vierch džynsavy). Pry sabie mahła mieć bežavy partfiel.
Kali vam što-niebudź viadoma pra miescaznachodžańnie dziaŭčat abo vy vałodajecie jakoj-niebudź infarmacyjaj pra ich, prośba źviarnucca ŭ milicyju asabista abo pa numarach telefonaŭ: 2394175, +375-29-3560202, +375-29-8617902, +375-25 -6019395, 102.
