Telekanał NBC News apublikavaŭ videa, na jakim teraryst pieramiaščajecca pa hateli Colombo's Kingsbury Hotel na Šry-Łancy. Na roliku pakazana, jak mužčyna z abjomnym zaplečnikam vychodzić z numara hatela, spuskajecca ŭniz na lifcie i prachodzić u restaran. Vybuch prahrymieŭ u amal pustym restaranie. Vierahodna adbyłasia zaŭčasnaja detanacyja vybuchoŭki.
Sieryja terarystyčnych napadaŭ u Šry-Łancy adbyłasia 21 krasavika. Pieršapačatkova paviedamlałasia pra 359 achviar i bolš za 500 paranienych, adnak paźniej stała viadoma, što zahinułych pryblizna na 100 čałaviek mienš.
Adkaznaść za vybuchi ŭziała na siabie terarystyčnaja hrupoŭka «Isłamskaja dziaržava». Ułady Šry-Łanki pry hetym zajaŭlajuć, što napady ździejśnili miascovyja ekstremisckija arhanizacyi. Niekatoryja z terarystaŭ byli členami adnoj siamji, udakładniaje Lenta.ru.
