Alaksandr Łukašenka ŭ śviata Vialikadnia zapaliŭ śviečku ŭ chramie siała Astrošycy Łahojskaha rajona, pieradaje karespandent BIEŁTA.
Kiraŭnika dziaržavy sustreŭ nastajaciel carkvy protaijerej Alaksandr Zimnicki. Prezident pavinšavaŭ viernikaŭ sa śviatam Vialikadnia. U dar chramu Alaksandr Łukašenka pieradaŭ abraz «Uvaskrasieńnie Haspodniaje», napisany ŭ majsterni Viktara Doŭnara pa staražytnaj vizantyjskaj technałohii. Jana ŭjaŭlaje saboj dahmat carkvy pra tryumf Hospada nad śmierciu i siłami satany. Na ikonie namalavany ŭvaskrosły Chrystos u biełaj vopratcy.
Užo katory hod Alaksandr Łukašenka na Vialikdzień naviedvaje ścipłyja viaskovyja cerkvy, a nie mitrapaličy sabor u Minsku. Niekatoryja analityki bačać u hetym miakki znak niezadavolenaści kiraŭnika Biełarusi mitrapalitam Paŭłam, prysłanym Maskvoj kiravać Biełaruskim ekzarchatam Ruskaj pravasłaŭnaj carkvy.