Biełaruskaja čyhunka ŭ novym turystyčnym siezonie daje mahčymaść dla prajezdu pasažyraŭ da kurortaŭ Čornaha, Azoŭskaha i Bałtyjskaha moraŭ.
U dadatak da ŭžo isnujučych maršrutaŭ u kirunku Adlera, Anapy, Minieralnych vod, Adesy, z 1 červienia pa 21 vieraśnia adnaŭlajuć svajo štodzionnaje kursiravańnie ciahniki mižnarodnych linij № 100/99 Minsk—Novaalaksiejeŭka z pryčapnoj hrupaj bieśpierasadačnych vahonaŭ da Biardzianska, № 94/93 Minsk—Adesa z pryčapnoj hrupaj bieśpierasadačnych vahonaŭ Minsk—Chierson.
Taksama z 10 červienia pa 7 vieraśnia Biełaruskaja čyhunka prapanuje pasažyram maršrut da Bałharskaha ŭźbiarežžy Čornaha mora Minsk—Varna praź Lvoŭ, Ivana-Frankaŭsk i Bucharest. Ciahnik № 451/452 budzie adpraŭlacca ź Minska 10, 15, 22, 27 červienia, 4, 9, 16, 21, 28 lipienia, 2, 9, 14, 21, 26 žniŭnia, 2, 7 vieraśnia ŭ 17 hadzin 37 minut i prybyvać u Varnu ŭ 10 hadzin 20 minut. 12, 17, 24, 29 červienia, 6, 11, 18, 23, 30 lipienia, 4, 11, 16, 23, 28 žniŭnia, 4, 9 vieraśnia adpaviedna.
Z Varny ciahnik budzie adpraŭlacca 12, 17, 24, 29 červienia, 6, 11, 18, 23, 30 lipienia, 4, 11, 16, 23, 28 žniŭnia, 4, 9 vieraśnia ŭ 19 hadzin 5 minut, i prybyvać u Minsk 14, 19, 26 červienia, 1, 8, 13, 20, 25 lipienia, 1, 6, 13, 18, 25, 30 žniŭnia, 6, 11 vieraśnia ŭ 11 hadzin 4 minuty adpaviedna.
Da Bałtyjskaha ŭźbiarežža praź dzień sa stalicy Biełarusi adpraŭlajucca ciahniki № 87/88 Minsk—Ryha i № 31/32 Kijeŭ—Minsk—Vilnius—Ryha.
Ciahnik № 87/88 Minsk—Ryha adpraŭlajecca ź Minska ŭ 20 hadzin 38 minut, prybyćcio ŭ Ryhu — 8 hadzin 28 minut; z Ryhi ŭ 20 hadzin 00 minut, prybyćcio ŭ Minsk —7 hadzin 45 minut.
Ciahnik № 31/32 Kijeŭ—Minsk—Vilnius—Ryha adpraŭlajecca ź Minska ŭ 0 hadzin 5 minut i prybyvaje ŭ Vilnius ŭ 4 hadziny 25 minut, u Ryhu ciahnik prybyvaje ŭ 9 hadzin 6 minut. U advarotnym kirunku z Ryhi ciahnik adpraŭlajecca ŭ 20 hadzin 45 minut i prybyvaje ŭ Minsk u 6 hadzin 9 minut. U sastavie ciahnika kursiruje pryčapnaja hrupa vahonaŭ Biełaruskaj čyhunki Minsk—Ryha. Kab patrapić na Bałtyjskaje ŭźbiarežža pasažyram nieabchodna ažyćciavić pierasadku ŭ Ryzie da Jurmały.
