Jeŭrakamisar Jochanes Chan u ramkach mierapryjemstvaŭ da 10-hodździa Uschodniaha partniorstva prakamientavaŭ žurnalistam, ci chutka budzie padpisana pahadnieńnie ź Biełaruśsiu ab readmisii.
«Narešcie my bolš-mienš skončyli našy pieramovy pa pahadnieńni ab readmisii, i nam nieabchodna ŭstanavić datu i miesca, dzie my padpišam heta pahadnieńnie», — zajaviŭ jon.
Jeŭrakamisar taksama adkazaŭ, što roznahałośsi Biełarusi ź Litvoj nakont Astravieckaj AES marudziać padpisańnie Pryjarytetaŭ partniorstva.
— Ja abmiarkoŭvaŭ heta pytańnie ź Litvoj, Astravieckaja atamnaja stancyja heta prablema dla ich, i ja razumieju, što jany zakłapočany biaśpiekaj svajoj krainy, — patłumačyŭ Jochanes Chan. I dadaŭ, što jany šukajuć rašeńnie, jakoje ŭličyć intaresy abodvuch bakoŭ. — My razumiejem, što Pryjarytety partniorstva — toje, što cikavić usich, i ja spadziajusia, pahadnieńnie budzie znojdziena.
