Ministr enierhietyki Polščy Kšyštaf Tchužeŭski paviedamiŭ ab padrychtoŭcy da budaŭnictva atamnaj elektrastancyi na Pamorji. U efiry Polskaha Radyjo ministr skazaŭ, što pa hetym pytańni viaducca kansultacyi ź miascovaj hramadskaściu, paviedamlaje radiopolsha.pl
«Inviestycyjny cykł atamnaj elektrastancyi doŭžycca kala 10 hadoŭ, ale pierad hetym niekalki hadoŭ iduć padrychtoŭčyja pracy. My ŭžo mnohija rečy zrabili. Stvorana akcyjaniernaje tavarystva PGE EJ 1, jakoje zajmajecca padrychtoŭkaj, užo vyznačany miescy ŭ rehijonie Pamorja, miascovaja hramadskaść u hetych miescach užo praktyčna padrychtavanaja da takoha budaŭnictva. Jaje pradstaŭniki aznajomilisia z rabotaj atamnych elektrastancyj u inšych miescach, i ŭ vyniku my atrymali hramadskuju zhodu na budaŭnictva», - skazaŭ ministr.
Kšyštaf Tchužeŭski padkreśliŭ, što budaŭnictva atamnaj elektrastancyi kaštuje daražej, čym zvyčajnaj. Razam z hetym jana patrabuje mienš paliva i abychodzicca tańniej u ekspłuatacyi, čym, da prykładu, vuhalnaja elektrastancyja.
Polski ŭrad płanuje zaviaršyć budaŭnictva AES da 2033 hoda.
