Praca nad pahadnieńniami pamiž Biełaruśsiu i Jeŭrapiejskim sajuzam pa spraščeńni vizavaha režymu i readmisii praktyčna zavieršana.
Pra heta ministr zamiežnych spraŭ Biełarusi Uładzimir Makiej zajaviŭ siońnia žurnalistam na palach kanfierencyi vysokaha ŭzroŭniu z nahody dziesiacihodździa inicyjatyvy ES «Uschodniaje partniorstva», paviedamlaje BiełTA.
«Praca nad hetymi damovami praktyčna zavieršana. Prosta dla taho, kab prystupić da finalnaj stadyi padpisańnia, pavinna być projdzieny adpaviednaja pracedura i ŭnutry Jeŭrapiejskaha sajuza, i ŭ nas ŭnutry krainy. Pavinny być praanalizavanyja i ŭzvažanyja ŭsie momanty, mahčyma, naściarožvajučyja baki, — rastłumačyŭ Uładzimir Makiej. — Ja pierakanany, što my zmožam zaviaršyć hetuju pracu ŭ najbližejšy čas».
Biełaruś i Jeŭrapiejski sajuz pracujuć nad hetymi damovami na fonie rašeńnia ES padniać košt šenhienskaj vizy da 80 jeŭra dla trecich krain. Jeŭraparłamient užo ŭchvaliŭ novyja vizavyja praviły. Adkazvajučy na pytańnie, ci paśpiejuć baki zaklučyć pahadnieńni da momantu padaražeńnia šenhienskaj vizy, Uładzimir Makiej padkreśliŭ, što ŭsie baki spakojna ruchajucca ŭ hetym kirunku.
«My abaviazkova paśpiejem», — zapeŭniŭ kiraŭnik MZS Biełarusi.
