Na aficyjnym sajcie prezidenta Ukrainy zarehistravanaja pietycyja za jaho adstaŭku. Hałasy nabirajucca litaralna na vačach — za toj čas, kolki pisaŭsia hety karacieńki tekst, padpisałasia bolš za tysiaču čałaviek.
U vyniku pietycyja, stvoranaja tolki ŭčora, užo nabrała 25 tys. hałasoŭ, patrebnych dla taho, kab być pryniataj da razhladu.
Stvaralniki pietycyi śćviardžajuć, što hałasavańnie za Zialenskaha było čysta pratesnym i jon nasamreč nibyta nie maje padtrymki 73% vybarcaŭ.
Zialenski nie maje bačańnia kankretnaj darohi dla krainy i maralnych abaviazkaŭ pierad narodam — tamu pavinien syści ŭ adstaŭku.
Ciapier, kali pietycyja nabrała patrebnuju kolkaść hałasoŭ, prezident musić jaje aficyjna razhledzieć i dać publičny adkaz na sajcie, a taksama ŭ piśmovym vyhladzie aŭtaru pietycyi.
Kiraŭnik dziaržavy maje prava jak padtrymać pietycyju, tak i admović u patrabavańniach, vykładzienych u joj. Takim čynam, zbor podpisaŭ za adstaŭku Zialenskaha na prezidenckim sajcie možna razhladać chutčej jak palityčny žart. «Raśśmiašy komika», jak toj kazaŭ.
