Pra zdareńnie ŭ milicyju zajaviŭ 61-hadovy haspadar firmy, jakaja śpiecyjalizujecca na vytvorčaści vyrabaŭ z kavanaha mietału.
Kali pravaachoŭniki prybyli na miesca, to vyśvietlili, što złamyśnik pranik praz dach, praź jaki naskroź raście dreva. Z saboj jon źnios dva šurubaviorty, dva zvaračnyja aparaty, čatyry šlifavalnyja mašynki, farbavalny pistalet, čatyry kavanyja ružy ź mietału.
Ahułam skradzienaje ciahnie bolš čym na 2500 rubloŭ.
Chacia zabraŭsia ŭ pamiaškańnie złamyśnik praz dach, sychodziŭ ź miesca praź dźviery — klučy byli ŭ cechu. Pierakinuŭ skradzienaje praz aharodžu i źbieh ź miesca.
Padazravanym akazaŭsia 30-hadovy žychar Pałačanaŭ Maładziečanskaha rajona, na jaho śled vyjšli pa zapisach kamier videanazirańnia. U krasaviku mužčyna pracavaŭ u hetym cechu, a miesiac tamu jaho zvolnili. Usio na abjekcie jamu było znajomym. A kab nie pravalić spravu, zamaskiravaŭsia pad žančynu, nadzieŭšy na hałavu paryk.
Fihuranta pravaachoŭniki znajšli pa miescy žycharstva ŭ Pałačanach. Jaho zatrymali. Padazravany pryznaje vinu. Zaviali kryminalnuju spravu pa artykule «Kradziež». Złamyśnik ryzykuje trapić u turmu na try hady.
Skradzienaje znajšli. Jano było na leciščy ŭ znajomaj, jakoj fihurant dapamahaŭ pa haspadarcy.
Raniej padazravanaha pryciahvali da adkaznaści za majomasnyja złačynstvy.