Zdareńnie adbyłosia siońnia ranicaj na praśpiekcie Lenina ŭ Homieli, piša Homielskaja praŭda.
Mužčynu, jaki nieadekvatna siabie pavodziŭ, siedziačy na prystupkach abłvykankama, zaŭvažyŭ dziažurny. Milicyjant vyjšaŭ ŭdakładnić, ci patrebna dapamoha. Zaŭvažyŭšy na prystupkach kroŭ, adrazu vyklikaŭ chutkuju dapamohu i milicyju. Pa pryjeździe miedykaŭ mužčyna sprabavaŭ akazać supraciŭ, pavodziŭ siabie ahresiŭna. Jaho špitalizavali. U momant zdareńnia, pa słovach vidavočcaŭ, znachodziŭsia ŭ niećviarozym stanie.
— Milicyjanty, jakija prybyli na miesca zdareńnia pabačyli mužčynu z traŭmami abiedźviuch ruk, — raspavioŭ aficyjny pradstaŭnik UUS abłvykankama Juryj Pilkievič. — Miedrabotniki pry dapamozie supracoŭnikaŭ milicyi źmiaścili pacyjenta ŭ aŭtamabil chutkaj dapamohi i špitalizavali z papiarednim dyjahnazam «rezanaja rany abodvuch pieradpleččaŭ». Heta 34-hadovy žychar Homielskaha rajona. Raniej jon nieadnarazova pryciahvaŭsia da administracyjnaj adkaznaści, a taksama byŭ sudzimy za machlarstva, kradziež i niezakonny abarot narkotykaŭ. Stajaŭ na ŭliku ŭ narkołaha.
Niadaŭna vyzvaliŭsia z kałonii, dzie adbyvaŭ pakarańnie pa narkatyčnym artykule. Taksama pa rašeńni suda jamu było pryznačana prymusovaje lačeńnie ad ałkahalizmu i narkamanii. Paśla vyzvaleńnia znajšoŭ pracu. Miarkujecca, što na nieadekvatny ŭčynak žychara Homielskaha rajona padšturchnuła niežadańnie płacić alimienty.
