Nacyjanalnaja zbornaja Biełarusi pa futbole praviała treci adboračny matč da Jeŭra-2020. I čarhovy raz sustupiła — na hety raz zornaj zbornaj Hiermanii.
Dahetul u našych była bujnaja haściavaja paraza ad Niderłandaŭ (0:4) i minimalnaja ad Paŭnočnaj Irłandyi (1:2). Matč ź niemcami byŭ pieršym chatnim. Z pryčyny Jeŭrapiejskich hulniaŭ matč prachodziŭ u Barysavie, a nie na stadyjonie «Dynama» ŭ Minsku.
Hiermanija zabiła pa adnym hole ŭ kožnym z tajmaŭ. U pieršym adznačyŭsia Leroj Sanie.
A ŭ druhim — Marka Rojs. Vynikovaja pieramoha Hiermanii 2:0.
U druhim matčy našaj hrupy Paŭnočnaja Irłandyja pieramahła Estoniju ź likam 2:1. Ciapier stanovišča ŭ hrupie nastupnaje: Paŭnočnaja Irłandyja — 9 punktaŭ, Hiermanija — 6, Niderłandy — 3, Biełaruś, Estonija — pa 0.
11 červienia naša kamanda prymie ŭ Barysavie Paŭnočnuju Irłandyju.