«Dub družby», jaki prezidenty ZŠA i Francyi Donald Tramp i Emanuel Makron pasadzili na łužku Biełaha doma viasnoj minułaha hoda, zasoch i zahinuŭ, paviedamlaje DW.
U chodzie vizitu prezidenta Francyi ŭ Vašynhton u krasaviku 2018 hoda Makron i Tramp pasadzili sadžaniec jeŭrapiejskaha duba, jaki pavinien byŭ simvalizavać siabroŭstva pamiž dźviuma krainami.
Sadžaniec byŭ vykapany ź miesca bitvy pry Beła Vud na poŭnačy Francyi, dzie ŭ 1918 hodzie padčas Pieršaj suśvietnaj vajny zahinuła kala 2000 amierykanskich sałdat.
Nieŭzabavie paśla pasadki sadžaniec vykapali i źmiaścili ŭ karancinnuju zonu dla fitasanitarnaha kantrolu, kab paźbiehnuć raspaŭsiudžvańnia chvarob i niebiaśpiečnych vidaŭ nasiakomych.
Dreva zahinuła padčas karancinu, dzie jano pavinna było znachodzicca na praciahu dvuch hadoŭ, paśla čaho jaho dazvolili b znoŭ vysadzić na łužku Biełaha doma.
