Jak vynikaje z infarmacyi ŭ raździele «rektarat» na sajcie Minskaha dziaržaŭnaha linhvistyčnaha ŭniviersiteta, u kiraŭnictvie VNU źjaviŭsia prarektar «pa vučebnaj rabocie i internacyjanalizacyi adukacyi».
Pasadu zaniaŭ były načalnik Infarmacyjna-analityčnaha centra pry Administracyi prezidenta Alaksiej Dzierbin.
Alaksiej Dzierbin sprava.
Nie tak daŭno IAC jak instytut byŭ skasavany, a jahonyja funkcyi pierajšli da novastvoranaha Biełaruskaha instytuta stratehičnych daśledavańniaŭ na čale z saŭbiezaŭcam Aleham Makaravym.
A jak ža Dzierbin apynuŭsia ŭ MDŁU i čym budzie zajmacca? Pra heta jon raskazaŭ «Našaj Nivie».
«Płanaŭ šmat, dziakuj za ŭvahu. Jak ja tut apynuŭsia? Jak i ŭsie astatnija apynajucca na pasadach. Zacikaviła mianie hetaja pasada.
Ja vałodaju niekalkimi zamiežnymi movami, tamu nie baču prablem. Jakimi kankretna? Anhlijskaj i polskaj. A internacyjanalizacyja adukacyi aznačaje raźvićcio mižnarodnych suviaziaŭ», — patłumačyŭ Dzierbin.
