Prezident Ukrainy Uładzimir Zialenski prapanavaŭ žycharam Lvoŭskaj vobłaści ŭziać udzieł u pryznačeńni hubiernatara praz fejsbuk.
Jon vyłučyŭ try kandydatury na hetuju pasadu: 43-hadovaha dyrektara CES Dzianisa Šmihala, 38-hadovaha dyrektara kampanii Maksima Kazickaha i 35-hadovaha kiraŭnika filijała jurydyčnaj kampanii Markijana Malskaha.
«Chaču daviedacca vaša mierkavańnie pra hetych spadaroŭ. Što vy viedajecie ci čuli pra ich reputacyju, mieniedžarskija i maralnyja jakaści? Dy i naohuł — chto vam bolš padabajecca?», — napisaŭ Zialenski ŭ Facebook.
Lvoŭskaja vobłaść źjaŭlajecca samaj hustanasielenaj vobłaściu Ukrainy (kali nie ŭličvać akupavanuju častku Danieckaj vobłaści), a taksama samaj niełajalnaj da Uładzimira Zialenskaha. Heta adzinaja vobłaść Ukrainy, dzie Zialenski prajhraŭ Parašenku ŭ druhim tury vybaraŭ i nabraŭ usiaho 34,49% hałasoŭ.
