U Indyi prysudzili da pažyćciovaha terminu mužčynu, jaki pažartavaŭ u samalocie pra bombu, z-za čaho piłotam pryjšłosia ździejśnić ekstrannuju pasadku, piša Daily Mail.
Incydent adbyŭsia ŭ 2017 hodzie. Łajnier nakiroŭvaŭsia z Mumbaja ŭ Ńju-Deli. Handlar ałmazami Biržu Kišor Sała vyrašyŭ pažartavać i pakinuŭ zapisku na pačku z survetkami ŭ prybiralni biznes-kłasa. U joj śćviardžałasia, što na borcie znachodziacca złodziei i zakładziena bomba.
Zapisku znajšła ściuardesa i paviedamiła pra heta kamandziru pavietranaha sudna. Paśla hetaha piłot pryniaŭ rašeńnie pasadzić samalot u Achmadabadzie (Indyja).
Tady mužčynu ŭdałosia pakinuć bort niezaŭvažanym, adnak supracoŭniki pravaachoŭnych orhanaŭ vyjšli na śled biznesmiena ŭ 2018 hodzie i aryštavali jaho. Mužčynu pradjavili abvinavačańnie ŭ sprobie zachapić samalot.
Akramia pažyćciovaha źniavoleńnia, Sału aštrafavali na miljon dalaraŭ.
