Sud Fłarydy nie zadavoliŭ skarhu byłoj supracoŭnicy pieradvybarčaha štaba prezidenta ZŠA Donalda Trampa suprać jaho za niepažadany pacałunak. Pra heta paviedamlaje RBK sa spasyłkaj na ahienctva Associated Press.
Adznačajecca, što rašeńnie suda moža być abskardžana na praciahu 30 dzion. Associated Press pieradaje, što sudździa nazvaŭ hety pazoŭ «palityčnaj spravaj».
Abvinavačvańni suprać Trampa jaho byłaja supracoŭnicy Alva Džonsan vystaviła ŭ žniŭni 2016 hoda. Pavodle jaje słoŭ, paśla pieradvybarčaha mitynhu ŭ Fłarydzie 24 žniŭnia jon schapiŭ jaje za ruku i siłaju pacałavaŭ u vusny.
Čarnaskuraja žančyna zapatrabavała kampiensacyju za maralnyja straty i emacyjnyja pakuty, a taksama zajaviła, što stała achviaraj dyskryminacyi, bo padčas pieradvybarčaj kampanii Trampa jana, ź jaje słoŭ, atrymlivała mienš, čym jaje kalehi — śvietłaskuryja mužčyny.
U 2017 hodzie Associated Press paviedamlała, što ŭ seksualnych damahańniach prezidenta ZŠA abvinavacili 16 žančyn. Tramp ŭ adkaz na heta u 2018 hodzie zajaviŭ, što jaho abvinavacili «čatyry ci piać žančyn», jakim dobra zapłacili, kab jany prydumali suprać jaho historyju.
