Paśla taho jak na vulicy Hankonha vyjšaŭ miljon čałaviek, ułady hetaj kitajskaj terytoryi adkłali razhlad zakona pra mahčymaść ekstradycyi hramadzian Hankonha ŭ kantynientalny Kitaj.
Zakon vyklikaŭ biesprecedentnyja pratesty, bo hramadzianie hetaj terytoryi pabačyli ŭ im pahrozu zakonnaści i pravam čałavieka.
7-miljonny Hankonh — heta značny finansavy centr. Za časy, kali jon padparadkoŭvaŭsia Brytanii, jon staŭ vielmi bahatym. U Hankonhu dziejničała brytanskaje prava i tradycyi pavahi da zakona.
Paśla taho jak Brytanija viarnuła suvierenitet nad Hankonham Kitaju, kamunistyčny Piekin sprabuje pastupova ŭnifikavać žyćcio na terytoryi z normami Kitajskaj Narodnaj Respubliki. Adnak Hankonh usio jašče zastajecca bastyjonam svabody słova.
0
0
0
0
0
0