Prezident Ukrainy Uładzimir Zialenski zładziŭ dla žurnalistaŭ ekskursiju pa svaim kabiniecie ŭ administracyi prezidenta. Videa hetaj ekskursii apublikavała «Ukrainskaja praŭda».
Sama prahułka pa kabiniecie prezidenta pačałasia raptoŭna, kali Zialenski raspaviadaŭ žurnalistam pra płany svajoj administracyi. «Tut nielha znachodzicca, ja tut zvarjacieju», — skazaŭ jon, paśla čaho vyrašyŭ prademanstravać svajo pracoŭnaje miesca.
Paźniej, padčas ekskursii prezident Ukrainy ŭspomniŭ, što ŭ asobnym pakoi jaho kabinieta jość adzin «prykoł», i prapanavaŭ žurnalistam zirnuć na jaho. Kiraŭnik dziaržavy pravioŭ karespandentaŭ u nievialiki pakoj, u jakoj stajali cyrulnickaje kresła i rukamyjnik. «Heta prykolnaja reč», - skazaŭ Zialenski, dadaŭšy, što sam jon nie źbirajecca joj karystacca, bo duš možna pryniać i doma
