kremlin.ru
Kiraŭnik Rasii adkazaŭ na pytańnie padčas pramoj linii nakont pierśpiektyvaŭ abjadnańnia Biełarusi i Rasii.
«Pytańnie pra abjadnańnie Rasii i Biełarusi ŭ adnu dziaržavu na siońniašni dzień nie staić», — adkazaŭ jon.
«U nas na siońniašni dzień nie staić pytańnie pra abjadnańnie ŭ adnu dziaržavu. Razmova idzie ab realizacyi damovy, jakaja była padpisana ŭžo šmat hadoŭ tamu, na stvareńnie tak zvanaj sajuznaj dziaržavy — heta nie adzinaja dziaržava, heta nie adno i toje ž. Nu, tam šmat elemientaŭ, až da stvareńnia sajuznaj parłamienta, uviadzieńnia ahulnaj valuty, adzinaj valuty i hetak dalej. Niešta nie było zroblena z boku RF, niešta — z boku Biełarusi», — adznačyŭ Pucin.
«My ciapier damovilisia z Alaksandram Ryhoravičam Łukašenkam, što my vierniemsia da hetaj damovy i razam pahladzim, što ž treba realizavać z taho, što nie było zroblena, a ŭ što treba ŭnieści adpaviednyja karektyvy», - skazaŭ jon.
Jon nahadaŭ, što ciapier hetym zajmajucca ekśpiertnyja hrupy na ŭzroŭni premjeraŭ i vice-premjeraŭ.
«Zroblena niamała, u tym liku ŭ sacyjalnaj śfiery, z punktu hledžańnia pieramiaščeńnia tavaraŭ i pasłuh, ludziej. Zroblena niamała, ale, na moj pohlad, vidavočna niedastatkova. Možam i pavinny zrabić značna bolš», — skazaŭ na zakančeńnie Pucin.
