Źmieny zakranuli, u pryvatnaści, vylety ŭ Minsk, Vilniu, Ryhu, Chielsinki, Prahu, Burhas i Karšy, paviedamlaje Life.
Praz navalnicu, jakaja nasoŭvajecca na Maskvu, i paryvisty viecier u aeraporcie Šaramiećcieva admianili 24 rejsy. Pasažyry nie zmohuć siońnia vylecieć u Minsk, Vilniu, Ryhu, Chielsinki, Prahu, Burhas i Karšy.
Taksama admienienyja ŭnutranyja rejsy ŭ Sarataŭ, Kazań, Nižni Noŭharad, Pierm, Vałhahrad, Staŭrapal, Čelabinsk, Ufu, Saransk, Arenburh, Pieciarburh i Varoniež.
U suviazi z prahnazavanymi niespryjalnymi ŭmovami źmieny ŭ raskład rejsaŭ unieśli i ŭ inšych aeraportach Maskvy — Unukavie i Damadziedavie. Pavodle infarmacyi servisu «Jandeks.Raskład», va Unukavie zatrymlivajecca vylet čatyroch samalotaŭ i admieniena try, a ŭ Damadziedavie siem zatrymana i šeść admieniena.