Supracoŭniki Upraŭleńnia pa baraćbie z ekanamičnymi złačynstvami UUS Bresckaha abłvykankama pravodziać pravierku niekatorych pytańniaŭ dziejnaści TAA «AjPauer», źviazanaj z vytvorčaściu pradukcyi da ŭvodu ŭ ekspłuatacyju, na pradmiet zakonnaści jaje ažyćciaŭleńnia.
Pra heta havorycca ŭ liście, jaki atrymaŭ adzin ź lideraŭ kampanii pa baraćbie z akumulatarnym zavodam pad Brestam Dźmitryj Biekaluk z upraŭleńnia Departamienta finansavych rasśledavańniaŭ pa Bresckaj vobłaści. Pravierka idzie ŭ ramkach kryminalna-pracesualnaha zakanadaŭstva.
Taksama praviarajecca zakonnaść pieravozki pradukcyi z akumulatarnaha zavoda pad Brestam u Pinsk u noč z 12 na 13 maja - hetym zajmajecca milicyja. Nahadajem, tady aktyvisty, jakija niasuć kruhłasutačnaje dziažurstva kala zavoda, nočču pieraśledavali furu z pradukcyjaj, što vyjechała z pradpryjemstva. Milicyja spyniła vialikahruz pad Drahičynam — u im, miarkujučy pa dakumientach, byli paŭfabrykaty akumulataraŭ.
U adkazie havorycca, što dziejnaść, źviazanuju z vytvorčaściu pradukcyi, kampanija «AjPauer» viała z 12 lutaha 2019 hoda, u tym liku da 29 sakavika — u režymie puskanaładki. U pačatku červienia staršynia Bresckaha abłvykankama prypyniŭ dziejnaść zavoda da likvidacyi parušeńniaŭ. Kiraŭnictva zavoda zajaŭlaje, što nie viedaje, pra jakija kankretna parušeńni idzie havorka.
