Na 5-m Mižnarodnym vajskova-techničnym forumie «Armija-2019», što projdzie na padmaskoŭnym aeradromie «Kubinka» i palihonie «Ałabina» ad 25 da 30 červienia, pakažuć i 250 uzoraŭ pradukcyi vajennaha pryznačeńnia, pradstaŭlenych biełaruskim bokam. Siarod ich budzie ŭpieršyniu prademanstravanaja mašyna radyjacyjnaj, chimičnaj i bijałahičnaj vyviedki (NBC) na bazie bronieaŭtamabila «Kajman» ( «Chimiera»), piša BiełTA.
Pavodle aficyjnaj infarmacyi Dziaržkamvajenprama, novuju mašynu na bazie «Kajman», jaki raspracavany na barysaŭskim AAT «140-y ramontny zavod», pradstavić AAT «Ahat—elektramiechaničny zavod».
Udzieł u vystavie voźmuć bolš za 1,5 tys. bujnych rasijskich i zamiežnych pradpryjemstvaŭ abaronna-pramysłovaha kompleksu, viadučyja kanstruktarskija biuro i navukova-daśledčyja instytuty, jakija pradstaviać zvyš 27 tys. uzoraŭ pradukcyi i technałohij.
