Zakonaprajekt ab amnistyi ŭ suviazi z 75-hodździem vyzvaleńnia Biełarusi ad niamiecka-fašysckich zachopnikaŭ uniesieny ŭ parłamient, paviedamiła žurnalistam načalnik upraŭleńnia vykanańnia prysudaŭ Departamienta vykanańnia pakarańniaŭ MUS pałkoŭnik unutranaj słužby Žanna Baturyckaja, pieradaje BiełTA.
Tradycyjna prapanujecca vyzvalić asob, jakija adnosiacca da tak zvanaj ilhotnaj katehoryi asudžanych, što ździejśnili niaciažkija złačynstvy. Heta niepaŭnaletnija, žančyny i mužčyny, jakija majuć dziaciej va ŭzroście da 18 hadoŭ, ciažarnyja žančyny, piensijaniery, invalidy I i II hrupy, chvoryja na ankałahičnyja zachvorvanni.
Asobnaj katehoryi asudžanych praduhledžana skaračeńnie terminu na adzin hod, a niepaŭnaletnim - na dva hady.
Amnistyja budzie prymianiacca tolki da asob, jakija stanoŭča charaktaryzujucca i całkam pakryli škodu, pryčynienuju złačynstvam.
Prapanujecca nie raspaŭsiudžvać amnistyju na tych, chto raniej joju skarystaŭsia, ale znoŭ ździejśniŭ złačynstva. Heta ž adnosicca i da tych, chto parušaje paradak adbyvańnia pakarańnia, asabliva niebiaśpiečnym recydyvistam. Miarkujecca taksama, što amnistyja nie budzie raspaŭsiudžvacca na tych, chto ździejśniŭ peŭnyja katehoryi złačynstvaŭ. Siarod ich złačynstvy suprać žyćcia i zdaroŭja čałavieka, suprać pałavoj niedatykalnaści, źviazanyja ź niezakonnym abarotam narkotykaŭ, ździejśnienyja arhanizavanaj hrupaj, karupcyjnyja złačynstvy.
