Prajekt akumulatarnaha zavoda ŭ Breście znoŭ nie prajšoŭ dziaržaŭnuju ekałahičnuju ekśpiertyzu, paviedamiŭ 20 lipienia staršynia Bresckaha harvykankama Alaksandr Rahačuk na sustrečy z žycharami horada. Pra heta piša Tut.by.
Akumulatarny zavod u Breście. Fota Uładzia Hrydzina, Radyjo Svaboda
«Aficyjnaha dakumienta ŭ abłvykankam nie pastupała. Vynik treciaj ekałahičnaj ekśpiertyzy admoŭny. Kanstatujučaja častka pakul nieviadomaja. Ja dumaju, što da takoha vyniku pryviała sukupnaść faktaraŭ: pryncypovaja pazicyja našych pryrodaachoŭnych struktur, ekałahičnaj ekśpiertyzy, mierkavańnie hramadskaści i aktyŭnaja pazicyja. Ale ŭ hetaj situacyi treba pačytać, što ž tam napisana», — paviedamiŭ prysutnym Alaksandr Rahačuk.
U kampanii «AjPauery» paćvierdzili infarmacyju ab tym, što prajekt nie prajšoŭ dziaržaŭnuju ekałahičnuju ekśpiertyzu. Z aficyjnaj zajavaj z hetaj nahody kampanija vystupić, kali atrymaje na ruki dakumienty.
