Za 2019 hod u Litvie za sprobu ŭchilicca ad słužby ŭ vojsku pakarali amal 7000 maładych ludziej, paviedamlaje Delfi.
Pavodle Minabarony, u administracyjnym paradku ŭ 2016 hodzie pakarali 270 pryzyŭnikoŭ, u 2017 hodzie — 5500, u 2018 hodzie — 7400, a u 2019 hodzie — užo 6800 čałaviek.
Administracyjnaja adkaznaść nie vyzvalaje ad vykanańnia vajskovaj słužby.
U vyšuk adpravili śpis z 3600 pryzyŭnikoŭ. Adnosna inšych 3900 pravodziać administracyjnyja rasśledavańni, imavierna, im pahražajuć štrafy.
Usiaho sioleta ŭ śpisie pryzyŭnikoŭ 31 tysiača maładych ludziej va ŭzroście 19-26 hadoŭ. Ź ich u vojska pryzvali 3800 čałaviek.
U minułym hodzie ad słužby ŭ vojsku sprabavali ŭchilicca 10700 čałaviek. Ź ich krychu bolš za 60% pražyvajuć za miažoj.
Zhodna z zakonam ab pryzyvie, za nievykanańnie patrabavańniaŭ pryzyŭnikam pahražaje štraf u pamiery 30-140 jeŭra, za niajaŭku ŭ vajenkamat pahražaje štraf u pamiery 300 jeŭra.
Za sprobu paźbiehnuć słužby ŭ vojsku pahražaje kryminalnaja adkaznaść i moža być pryznačany štraf, aryšt abo pazbaŭleńnie voli terminam da 3 hadoŭ.
